зығыр

I

зат. Зығыр өсімдігінің дәні, тұқымы. – Біздің колхоз өткен жылы қанша з ы ғ ы р алды? – Тоннаға жақын алдық қой деймін (С. Мұқанов, Сыр Дария, 601). Мысалы қалбырмен бидай елейді; елеуішпен тары, қонақ, з ы ғ ы р елейді. Ал елгезермен тек ұн елейді (Оңт. Қазақст., 01. 11. 1968, 4).

II

Зығыр етті. Зықысын шығарды, мазасын кетірді. Ауылнай қысылып, Ыбырайды оңаша шақырып алып сөйлесіп, тоқты сой деп з ы ғ ы р е т т і (Б. Майлин, Таңд., 267). Ол әлгіде қабағын түкситіп келіп, мектеп үйіне төлейтін ақшаңды қалдырмай төле деп з ы ғ ы р е т і п кетті (Бұл да, 287).